Buod ng Kabanata 26: Ikakasal ka nga ba?
Namatay na si Haring Salermo dahil sa pagod ng paghahabol kay Don Juan at Donya Maria. Maaari na silang magpakasal sa isa’t isa kaya naglakbay si Don Juan papunta nng Berbanya upang ihanda ang kasal. Pagkarating doon , Nakita niya si Donya Leonora at napamahal muli sa kanya dahil sa sumpa ni Haring Salermo. Buti na lamang at ginamit ni Donya Maria ang kanyang mahika para tingnan kung napano na si Don Juan at nalaman na napamahal na pala siya sa ibang babae kaya naman nagpunta siya ng Berbanya.
Buod ng Kabanata 27: Bakas ng Nalimot na Lumipas
Ginamit niya ang kanyang mahiwagang sing-sing upang gumawa ng damit na pang emperatris at isang napakagandang karosa. Sinakyan niya ang karosa patungong Berbanya. Nang makarating siya sa Berbanya . Nabighani ang mga tao sa kanyang kasuotan kaya pinatigil muna ang kasal. Hindi na siya nakilala ni Don Juan. Naghandog si Donya Maria ng isang palabas gamit ang dalawang Ita. Isinalaysay nila ang paglalakbay ni Don Juan at ang pagmamahal nila ni Donya Maria. Nang matapos sila sa pagdudula , Nawala sila sinbilis ng kanilang pagkarating. Wala paring kibo si Don Juan. Hindi niya pa rin maalala si Donya Maria.
Buod ng Kabanata 28: Nagbalik na Alaala ng Pag-ibig
Bumuhos ang galit ni Donya Maria at bumaha sa buong kaharian. Nagmakaawa na ang mga tao na itigil na niya ito ngunit hindi niya sila pinakinggan. Buti na lamang at biglang naalala ni Don Juan si Donya Maria kaya tumigil na si Donya Maria. Nang sinabi ni Don Juan na gusto niyang pakasalan si Donya Maria , Si Donya Leonora’y nagreklamo. Ibinigay na lamang ni Don Juan si Leonora kay Don Pedro para pakasalan. Hindi tumanggi si Donya Leonora ngunit hindi rin siya nasiyahan.
Buod ng Kabanata 29: Masaya ang Buhay
Nagpakasal sila ng sabay sa Berbanya. Naghari sina Don Pedro sa Berbanya at si Don Juan naman sa Reyno de los Kristales. Naging isang mabuting hari si Don Juan na hinangaan ng mga tao.
Mga Gabay na Tanong:
Kabanata 26:
Bakit iniwan ni Don Juan si Donya Maria?
Kabanata 27:
Ano ang sinakyan ni Donya Maria papunta sa Berbanya? Saan nanggaling ito?
Kabanata 28:
Sino ang pinakasalan ni Don Juan?
Kabanata 29:
Sino ang pinakasalan ni Don Juan?
Mahahalagang Saknong:
Kabanata 26:
1415 “Hiningi sa kamahalan
Pitong taon pagbabanal
Pag-iwas po na makasal
Sa hindi ko minamahal
1416 “Ngayon ko ipagtatapat
Sa inyo pa at sa lahat,
Ang sa puso ko’y may hawak
Si Don Juan, inyong anak.
Sa mga saknong na ito makikita ang tunay na dahilan ng paghihintay ni Donya Leonora para ikasal. Si Don Juan pala ang minamahal niya ng lubusan.
Kabanata 27:
1486 “Gunitain mo, Don Juan
Ang lahat ng kahirapan
Ni Donya Maria mong hirang
Nang dahil sa iyo lamang.
Kinakausap ng negrito si Don Juan at pinapaalala sa kanya ang ginawang hirap ni Donya Maria para sa kanya.
Kabanata 28:
1642 “Katutubo sa magulang
na ang anak kapag mahal,
ang ingat ay gayon lamang
ni sa hangi’t di pahipan.
Ito’y isang aporismo. Ipinahihiwatig nito ang pagtrato ng mga magulang sa kanilang mga anak. Iniingatan talaga nila sila dahil sa labis nilang pagmamahal.
Kabanata 29:
1705 “Ngayo’y ating puputungan
ng korona si Don Juang
karugtong ng aking buhay
at Hari ng kaharian
Bumalik sila ng Reyno de los Kristales at doon na naghari si Don Juan.
iloveadarna 